गायकबाट नायक बन्दै प्रकाश सपूत, ‘परदेशी २’ मा मुख्य भूमिकामा देखिदैँ

१४ पुष २०७६, काठमाडौँ

प्रकाश सपूत पछिल्लो समयका निकै नै चर्चित गायक हुन् । झन गलबन्दी गीत रिलिज भएपछि त उनको चर्चा अझै चुलिएको छ । अहिले उनी देश तथा विदेशका कार्यक्रममा व्यस्त छन् ।

यस्तै प्रकाश अब गायकबाट नायक बन्ने भएका छन् । केहीबर्ष अघि रिलिज भएको सुपरहिट चलचित्र परदेशी को सिरिज परदेशी २ मा प्रकाश मुख्य भूमिकामा देखिने भएका छन् ।

प्रकाश र चलचित्रका निर्देशक नारायण रायमाझीबिच कागजी सम्झौता पनि भैसकेको छ । प्रकाशले सुरुवात दिनदेखि नै आफूलाई हिरो बन्ने रहर भएको बताएका थिए । तर उनले अलि पछि मात्र चलचित्रमा आउने बताएका थिए । उनले चलचित्रको कथा उत्कृष्ट लागेकाले चलचित्र गर्न तयार भएको बताए ।