१४ पुष २०७६, काठमाडौँ
टिकटक बाट चर्चामा आएका प्रिज्मा र प्रिन्सीको व्यस्तता आजभोली म्यूजिक भिडियोमा निकै नै हुन थालेको छ । जुम्ल्याहा दिदीबहिनी प्रिज्मा र प्रिन्सी खतिवडाको एक्सप्रेशनलाई दर्शकले निकै रुचाउने गरेका छन् ।
भर्खरै मात्र प्रिज्मा र प्रिन्सीको नयाँ गीत रिलिज भएको छ । चलचित्र लब डायरिज को गीतमा प्रिज्मा र प्रिन्सीले ठुम्का लगाएका छन् । अर्जुन पोखरेलको शब्द र संगीत रहेको छम छम बोलको गीतमा दुर्गा खरेल, सुरेश लामा र कमला घिमिरेको आवाज रहेको छ ।
गीतमा प्रिज्मा र प्रिन्सीसँगै रुबिना थापा र विश्वजित रिमाल पनि फिचर्ड छन् । निकै रमाइलो शैलीको गीतलाई विक्रम लामाले कोरियोग्राफी गरेका हुन् ।
