दिपिकाको यस्तो गेटअप देखेर फ्यानले गरे प्रश्न : ‘भित्र लगाउने वस्त्र बाहिर किन लगाएको’ ?

१५ पुष २०७६, काठमाडौँ

बलिउडकी चर्चित नायिका दिपिका पादुकोण विभिन्न कारणले चर्चामा आइरहेकी हुन्छिन् । उनी आफ्नो ड्रेसअपका कारण पनि चर्चामा आउने गरेकी छिन् । अहिले भने एक ड्रेसअपका कारण उनी सामाजिक सञ्जालमा निकै ट्रोल भैरहेकी छिन् ।

चलचित्र छपाक कोे प्रमोशनको क्रममा उनले अचम्मको पहिरन लगाएकी छिन् । जसका कारण उनी नराम्रोसँग ट्रोल पनि भैरहेकी छिन् । केही फ्यानले उनलाई भित्र लगाउनु पर्ने पहिरन बाहिर लगाएर हिडेको भन्दै उनको मजाक पनि उडाइरहेका छन् ।

दीपिकाले अचम्मको जिन्स र हाइ हिल्स लगाएकी छिन् । उनको हिल्समा रिबन राखिएको छ । उनको शर्ट पनि भिन्न शैलीको छ । उनले आफ्नो शर्टमाथि कोरसेट लगाएकी छिन् । उनको यो पहिरनको तस्बिर सोसल मिडियामा भाइरल भइरहेको छ ।