१५ पुष २०७६, काठमाडौँ
२०१९ मा केही नायिकाहरुले बलिउडमा डेब्यु गरे । कतिले निकै चर्चा पाए भने कति नायिकाले सोचजति सफलता पाउन सकेनन् । आज हामी २०१९ मा बलिउडमा भित्रिएका नायिकाहरुका बारेमा चर्चा गर्नेछौँ ।
अनन्या पाण्डे :
२०१९ नायिका अनन्या पाण्डेको लागि निकै नै सुखद रह्यो । अनन्याले यो बर्ष चलचित्र स्टुडेन्ट अफ दि इयर २ बाट बलिउडमा डेब्यु गरिन् । स्टुडेन्ट अफ दि इयर २ ले सोचेजति कमाइ गर्न सकेन । तर अनन्याको बढी निकै नै तारिफ भयो । त्यसपछि उनले २०१९ मा चलचित्र पति पत्नी और वो मा काम गरिन् । उक्त चलचित्र बलिउडमा सफल भयो अनन्याको चर्चा थप चुलियो ।
तारा सुतारिया :
ताराले पनि चलचित्र स्टुडेन्ट अफ दि इयर २ बाट नै बलिउडमा डेब्यु गरेकी हुन् । उनको पनि कामको चर्चा भयो । अहिले उनलाई पनि राम्रो ब्यानरको चलचित्रबाट अफर आइरहेको छ ।
सई मान्जेरेकर :
बर्षको अन्त्यतिर प्रदर्शनमा आएको चलचित्र दबंग ३ बाट सईले बलिउडमा डेब्यु गरेकी हुन् । दबंग ३ ले धमाकेदार कमाई त गर्न सकेन । तर सईको भने राम्रै चर्चा भएको छ । जसका कारण आगामी दिनमा उनले बलिउडमा राम्रो स्थान बनाउन सक्ने सम्भावना देखिएको छ ।
प्रनुतन बहन :
प्रनुतनलाई बलिउडमा सलमान खान भित्र्याएका हुन् । प्रनुतनले नोटबुक मार्फत बलिउडमा डेब्यु गरेकी हुन् । उनको अभिनयको धेरैले तारिफ पनि गरे । अहिले उनी चलचित्र हेलमेट को छायांकनमा व्यस्त छिन् ।
