नाजिर र अलिशाको नयाँ गीत रिलिज

१७ पुष २०७६, काठमाडौँ

च्र्चित नायक नाजिर हुसेन आजभोली चलचित्रमा भन्दापनि म्यूजिक भिडियोमा बढी व्यस्त छन् । उनलाई म्यूजिक भिडियो फापेको पनि छ । उनले खेलेका म्यूजिक भिडियो अधिकांश हिट छन् । यस्तै भर्खरै मात्र नाजिरको नयाँ म्यूजिक भिडियो रिलिज भएको छ ।

तारा अधिकारीको शब्द र रमेश कडारियाको संगीत रहेको लुकी लुकी चोरी चोरी बोलको गीतमा प्रमोद खरेलको आवाज रहेको छ ।

निकै रमाइलो शैलीको गीतमा नाजिर हुसेन र अलिशा राई फिचर्ड छन् । अलिशा र नाजिरले यसअघि यो कुरा गोप्य मा एकसाथ काम गरेका थिए । उक्त गीतले निकै नै सफलता पाएको थियो ।