१७ पुस २०७६, काठमाडौं
गैरआवासीय नेपाली संघ (एनआरएनएल)ले काठमाडौं महानगरपालिकासँगको सहकार्यमा शहरका प्रमुख व्यस्त चोकहरुमा निर्माण गर्न लागेको सार्वजनिक शौचालयहरुको प्रमुख ढाँचा सार्वजनिक गरेको छ ।
काठमाडौंको कलंकी, सुन्धारा, कोटेश्वर, माछापोखरी, चाबहिल लगायतका क्षेत्रमा महानगरले जग्गा उपलब्ध गराउने र त्यसमा एनआरएनएले शौचालय निर्माण गरी सुरुका केही वर्ष सञ्चालनको जिम्मेवारी समेत लिने संघका निवर्तमान अध्यक्ष कुमार पन्तले जानकारी गराएका छन् । उनी भन्छन्,‘सार्वजनिक शौचालय निर्माण प्रति सबैको सकारात्मक प्रतिक्रिया आएको छ र यसले काठमाडौँका आगन्तुक तथा यात्रुलाई समेत सुविधा पुग्नेछ । काठमाडौं मुलुकको संघीय राजधानी मात्र नभई प्रत्येक विदेशी पर्यटकलाई स्वागत गर्ने शहर समेत भएकाले यसलाई स्वच्छ र सफा राख्नु हाम्रो दायित्व हो ।’
सार्वजनिक शौचालय निर्माणका लागि संघका अध्यक्ष कुमार पन्तले सल्लाह तथा सुझाव दिन समेत अनुरोध गरेका छन् ।
