रणवीरसँग होइन, यसपटक एसिड आक्रमणमा परेका युवतीसँग मनाउँदैछिन् दिपिकाले आफ्नो जन्मदिन

१८ पुष २०७६, काठमाडौँ

नायिका दिपिका पादुकोण यतिबेला चलचित्र छपाक को प्रमोशनमा व्यस्त छिन् । छपाक १० जनवरी बाट प्रदर्शनमा आउँदै छ । यो चलचित्र दिपिकाले आफ्नो लागि धेरै खास भएको बताउँदै आएकी छिन् । चलचित्रमा उनी एसिड आक्रमण भएकी युुवतीको भूमिकामा देखिएकी छिन् ।

यो भूमिका आफ्नो लागि निकै नै चुनौतीपूर्ण पनि भएको दिपिकाले बताएकी छिन् । यस्तै छपाक को प्रदर्शनको क्रममा नायिका दिपिका पादुकोणको जन्मदिन समेत परेको छ । दिपिकाले जनवरी ५ मा आफ्नो जन्मदिन मनाउँदै छिन् । यसपटक आफ्नो जन्मदिन श्रीमान रणवीर सिंहसँग नभएर अरु नै कोहीसँग मनाउँदै छिन् ।

धेरैलाई लागेको होला दिपिकाले भव्य पार्टी दिएर आफ्नो जन्मदिन मनाउँदै छिन् । उनले यो जन्मदिन एसिड आक्रमणमा परेका युवतीहरुसँगै मनाउनेछिन् । मिडिया रिपोर्टका अनुसार दीपिका आफ्नो जन्मदिनमा लखनऊको एक क्याफेमा हुनेछिन्, जुन क्याफेलाई एसिड पीडितहरुले चलाइरहेका छन् ।