सलमानका ज्वाई आयुष भन्छन्, ‘सलमानलाई भान्जी उपहार दिनु पूर्व योजना थियो’

१८ पुष २०७६, काठमाडौँ

ब्लिउड अभिनेता सलमान खानले केहीदिन अघिमात्र आफ्नो ५४ औँ जन्मदिन मनाए । जन्मदिनमा उनले धेरै शुभकामना र उपहारहरु पनि पाए । तर त्यसमध्ये उनकी बहिनी अर्पिताले उनलाई निकै खास उपहार दिइन् ।

अर्पिताले सलमानको जन्मदिनको दिन दोस्रो सन्तानको रुपमा छोरी आयात लाई यो संसारमा भित्र्याइन् । सलमानले आफ्नो जन्मदिनको सबैभन्दा उत्कृष्ट उपहार नै आफ्नी भान्जी भएको बताए ।

यस्तै सलमानका ज्वाइले आयुषले सलमानको जन्मदिनमा उनलाई भान्जी उपहार स्वरुप दिने पूर्व योजना रहेको बताए ।

आयुष भन्छन्,‘सलमानले हामीलाई जन्मदिनमा उपहार सन्तान जन्माएर दिन भनेका थिए। हामीले पनि सोही दिन बच्चा जन्मियोस् भन्ने चाहिरहेका थियौं। संयोग पूर्व योजना अनुसार हामी सलमानलाई भान्जी उपहार दिन सफल भयौं।’