ट्रेलरमा यस्तो देखियो विराजको साङ्लो (भिडियो सहित)

१८ पुष २०७६, काठमाडौँ

कुनै समयमा विराज भट्टले नेपाली चलचित्र क्षेत्रमा एकछत्र राज गरेका थियो । समय सधैँ एकैनाश कहाँ हुन्छ र । नयाँ कलाकारको आगमन सँगै विराज नेपाली चलचित्र क्षेत्रबाट हराउँदै गए र पहिलेको जस्तो क्रेज उनको अहिले छैन ।

यस्तै विराज लामो समयपछि चलचित्रमा फर्किएका छन् । उनकै निर्माण र निर्देशनमा तयार भएको चलचित्र साङ्लो यस बर्षको प्रतिक्षित र आशा गरिएको चलचित्रमध्येको एक हो । केहीसमय अघि साङ्लो को चरीले काफल बोलको गीत रिलिज भएको थियो । उक्त गीतलाई दर्शकले निकै रुचाएका थिए ।

भर्खरै मात्र चलचित्र साङ्लो को अफिसियल ट्रेलर रिलिज भएको छ । चलचित्रमा किड्नी तस्करीको कथालाई देखाइएको छ । सार्वजनिक ट्रेलरमा विराज र नायिका तथा पूर्व मिस नेपाल निकिता चाण्डकको रोमान्स पनि देख्न सकिन्छ ।

ट्रेलर हेर्दा विराजको राम्रो कमब्याक हुने देखिएको छ । तर पछिल्लो समयमा ट्रेलर र गीतसंगीतबाट राम्रै चर्चा बटुलेका चलचित्र पनि हलमा पत्ता साफ भएका छन् । जसका कारण विराजको साङ्लो लाई पनि दर्शकले कत्तिको रुचाउने हुन् त्यो हेर्ने माघ २४ पर्खनै पर्छ ।