चैत्र २८ मा प्रदिप र स्वस्तिमासँगै सौगात पनि भिड्दै, कसले मार्ला बाजी ?

१९ पुष २०७६, काठमाडौँ

हरेक बर्ष नयाँ बर्षको समयमा हलहरु प्याक हुने गर्छन् । किनकी प्रायजसो आशा गरिएका चलचित्रहरुले चलचित्र प्रदर्शनको लागि विशेष दिन रोज्ने गरेका छन् । अघिल्लो बर्ष नयाँ बर्षको अवसरमा यात्रा र ए मेरो हजुर ३ प्रदर्शनमा आएका थिए । दुवै चलचित्रले बक्सअफिसमा राम्रो पैसा छाप्न सफल भए ।

यस्तै यो बर्षको अन्तिममा पनि प्रेमगीत ३ र चपली हाइट ३ रिलिज हुने पक्का छ । यी दुवै यो बर्ष निकै आशा गरिएका चलचित्र हुन् । यस्तै अब प्रेमगीत ३ र चपली हाइट ३ सँग सौगात र सृष्टिको माइकल अधिकारी पनि भिड्ने भएको छ ।

गोपीकृष्ण मुभिजको व्यानरमा निर्माण हुन लागेको चलचित्र माइकल अधिकारी मा सौगात मल्ल र सृष्टि श्रेष्ठको मुख्य भूमिका रहेको छ । यी तिन चलचित्रको महाभिडन्त हुने पक्का छ । अब यी ३  चलचित्रमध्ये दर्शकको रोजाइमा कुन चलचित्र पर्ने हो त्यो हेर्न भने चैत्र २८ पर्खनै पर्छ ।