१९ पुष २०७६, काठमाडौँ
गोपीकृष्ण मुभिजको ब्यानरमा चलचित्र माइकल अधिकारी बन्ने भएको छ । यो चलचित्रको लागि सौगात मल्ल र सृष्टि श्रेष्ठ फाइनल भैसकेका छन् भने अन्य कलाकार छान्ने क्रम जारी छ ।
यस्तै गोप्य स्रोतको जानकारी अनुसार चलचित्र माइकल अधिकारी मा चर्चित सञ्चारकर्मी रवि लामिछाने पनि देखिने भएका छन् । रविको चलचित्रमा विशेष भूमिका हुने बताइएको छ । तर यसबारे रविले भने केही बताएका छैनन् ।
यस चलचित्रमा उनको अभिनय रहने या नरहने भन्ने आधिकारीक पुष्टी हुन बाकीँ छ । यस चलचित्र सेरोगेसी (भाडाको काख) मुद्दामा बन्ने निर्देशक रौनियारले बताएका छन् । केहि दिन अघि यस चलचित्रको सांकेतिक पोस्टर पनि सार्वजनिक भएको थियो ।
