यस्तो कपडा लगाएका कारण ट्रोल भइन् दिपिका, फ्यानले भने : ‘सोफाको कभर’..

१९ पुष २०७६, काठमाडौँ

बलिउड नायिका दिपिका पादुकोण बेला बेलामा कपडाका कारण ट्रोल हुने गरेकी छिन् । केहीसमय अघि उनलाई भित्री वस्त्र बाहिर लगाएको भनेर दर्शकले ट्रोल गरेका थिए भने अहिले पनि कपडाकै कारण उनी ट्रोल भैरहेकी छिन् ।

दिपिका अहिले चलचित्र छपाक को प्रमोशनमा व्यस्त छिन् । प्रमोशनको क्रममा उनले ब्ल्याक कलरको लेदरको टिसर्ट र जिन्स लगाएकी थिइन् । उक्त ड्रेसलाई लिएर दर्शकले उनीमाथि नानाथरी कमेन्ट गरिरहेका छन् ।

कति प्रयोगकर्ताले दिपिकालाई लुगा लगाउने सेन्स नभएको बताएका छन् । कतिले मुम्बईको गर्मीमा लेदरको कपडा लगाएको भन्दै उनको मजाक उडाएका छन् भने कतिले सोफाको कभर पनि भनेका छन् । तर दिपिकाले यसबारे कुनै प्रतिक्रिया दिएकी छैनन् ।