आज बलिउडकी चर्चित नायिका दिपिका पादुकोणको जन्मदिन, शुभकामना दिनेको ओइरो

२० पुष २०७६, काठमाडौँ

बलिउडकी चर्चित नायिका दिपिका पादुकोणको आज जन्मदिन रहेको छ । आज उनले आफ्नो ३४ औँ जन्मदिन मनाउँदै छिन् । हरेक बर्ष दिपिकाले आफ्नो जन्म विशेष तरिकाले मनाउने गरेकी छिन् ।

यसपटक पनि उनले आफ्नो जन्मदिन विशेष तरिकाले मनाउने भएकी छिन् । उनले यसपटक आफ्नो जन्मदिन पार्टी दिएर नभई एसिड आक्रमणमा परेका युवतीहरुलाई भेटेर मनाउने भएकी छिन् । स्मरण रहोस् अहिले दिपिका चलचित्र छपाक को प्रमोशनमा व्यस्त छिन् । चलचित्रमा उनी एसिड आक्रमणमा परेकी युवतीको भूमिकामा देखिदैँ छिन् ।

यस्तै आज दिपिकाको जन्मदिन परेकाले उनलाई सामाजिक सञ्जालमा जन्मदिनको शुभकामना दिनेको ओइरो नै लागेको छ । हाम्रो तर्फबाट पनि दिपिकालाई जन्मदिनको धेरै धेरै शुभकामना ।