नेपाली चलचित्र क्षेत्रमा राजेश हमालको ३२ बर्ष पुरा

२२ पुष २०७६, काठमाडौँ

नेपाली चलचित्र क्षेत्रमा राजेश हमाल महानायकको रुपमा परिचित छन् । चलचित्र युगदेखि युगसम्म बाट आफ्नो अभिनय यात्रा सुरु गरेका राजेश हमालले निरन्तर चलचित्र क्षेत्रमा योगदान दिदैँ आएका छन् ।

उनले नेपाली चलचित्र क्षेत्रमा प्रवेश गरेको ३२ बर्ष पुरा भैसकेको छ । ३२ बर्षको समयावधिमा राजेशले धेरै तितामिठा पलहरु यो क्षेत्रमा बिताए । महानायकको उपाधी पाउन पनि राजेशलाई सजिलो थिएन । निरन्तर चलचित्र क्षेत्रमा दिएको योगदानका कारण उनले महानायकको उपाधी पाए ।

राजेशले अहिलेसम्म १०० भन्दा बढी चलचित्रमा काम गरिसकेका छन् । कुनै समयमा त उनको नामले मात्र पनि चलचित्र सफल हुन्थे भने अहिले त्यस्तो छैन । केही बर्षदेखि राजेश चलचित्रमा देखिएका छैनन् । चलचित्रमा नदेखिए तापनि उनको लोकप्रियता भने कम भएको छैन । उनी विभिन्न कारणले चर्चामा आइरहेका छन् ।