२३ पुष २०७६, काठमाडौँ
सलमान खानको चलचित्र दबंग ३ ले बक्सअफिसमा राम्रो कमाइ गरेको छ । वर्ड अफ माउथ कमजोर हुदाँ चलचित्रले सोचेजति व्यापार गर्न सकेन, तर चलचित्रको कमाइलाई नराम्रो पनि भन्न मिल्दैन । दबंग ३ ले १ सय ५० करोड बढी कमाइसकेको छ ।
यस्तै सलमान चलचित्रको कमाइबाट निकै खुसी छन् । यस्तै उनले दबंग ३ का खलनायक सुदिपलाई डेढ करोडको कार उपहार समेत दिए । सलमान कार लिएर सुदिपको घरमै पुगेका थिए ।
यो कुराको जानकारी सुदिप स्वयमले दिएका छन् । उनले सलमानले आफूमाथि विश्वास गरेर चलचित्रका लागि अफर गरेकोमा धन्यवाद व्यक्त गरे भने सलमानले दिएको उपहारको लागि पनि उनलाई धन्यवाद दिए ।
