सनिस श्रेष्ठको आवाजमा ‘म यस्तो गीत गाउँछु २’ को दोस्रो गीत  रिलिज, रोमान्टिक बने पल र पूजा (भिडियो सहित)

२४ पुष २०७६, काठमाडौँ

यो बर्षको प्रतिक्षित चलचित्रमध्येको एक म यस्तो गीत गाउँछु २ पनि एक हो । म यस्तो गीत गाउँछु सर्वाधिक सफल भएको चलचित्र हो । म यस्तो गीत गाउँछु मा पल शाह र पूजा शर्मा मुख्य भूमिकामा थिए । पल र पूजाको केमेष्ट्रिलाई दर्शकले निकै रुचाएका पनि थिए ।

म यस्तो गीत गाउँछु २ मा पुनः एकपटक पल र पूजा नै दोहोरिदै छन् । केही समय अघि म यस्तो गीत गाउँछु २ को तिम्रो घरको वरिपरी बोलको गीत रिलिज भएको थियो । उक्त गीतलाई दर्शकले निकै नै रुचाए । यस्तै भर्खरै मात्र म यस्तो गीत गाउँछु २ को नयाँ गीत रिलिज भएको छ ।

देवल भण्डारीको शब्द र अर्जुन पोखरेलको संगीत रहेको दुखको काडाँ बोलको गीतमा द भ्वाइस अफ नेपाल सिजन २ बाट चर्चामा आएका सनिस श्रेष्ठको आवाज रहेको छ । निकै रोमान्टिक शैलीको गीतमा चलचित्रका मुख्य कलाकार पल र पूजा नै फिचर्ड छन् । म यस्तो गीत गाउँछु २ फागुन २३ बाट देशव्यापी रुपमा प्रदर्शनमा आउँदै छ ।