उदित नारायणका छोरा आदित्यसँग विवाह गर्दै नेहा !

२४ पुष २०७६, काठमाडौँ

इन्डियन आइडल भारतको चर्चित रियालिटी शो हो । यो शो नेपालमा पनि उत्तिकै लोकप्रिय छ । शो लाई यसपटक आदित्य नारायण झाले होस्ट गरिरहेका छन् । इन्डियन आइडल मा जजको रुपमा नेहा कक्कड, हिमेश रेशमिया र विशाल रहेका छन् ।

यस्तै इन्डियन आइडल को मञ्चमा आदित्य र नेहाको नोकजोक निकै देख्न पाइन्छ । उनीहरु एकअर्कासँग निकै मस्ती गर्छन् । यस्तै अब आउने एपिसोडमा इन्डियन आइडल को मञ्चमा गेष्टको रुपमा आदित्यका मातापिता अर्थात बलिउड तथा नेपालका पनि लोकप्रिय गायक उदित नारायण झा र दिपा झा आउनेछन् ।

दिपा र उदितले नेहालाई आफ्नो बुहारी बन्न प्रस्ताव पनि गर्नेछन् । अझ सेटमा आदित्य र नेहाको विहेको दृश्य समेत देख्न पाइने भारतीय मिडियाले बताएको छ । यस्तै उदित र दिपाले नेहालाई साच्चै नै आफ्नो बुहारी बनाउन चाहेको खबर पनि बाहिर आइरहेको छ । तर यसबारे नेहा र आदित्यले केहीपनि बताएका छैनन् ।