‘पर्खि बसे’ रिलिज भएको १३ बर्षपछि ‘पर्खि बसे २’ बनाउँदै निकिता, को–को हुनेछन् त नायक–नायिका ?

२५ पुष २०७६, काठमाडौँ

२०६४ सालमा प्रदर्शनमा आएको सुपरहिट चलचित्र पर्खि बसे को सिक्वेलको रुपमा पर्खि बसे २ बन्ने भएको छ । सन् २०१४ मा गोपीकृष्ण मुभिजले सन् २०१५ भित्र सात भित्र निर्माण गर्ने घोषणा गरेको थियो । तर त्यस्तो हुन सकेन । सात फिल्ममध्ये ४ प्रदर्शन भैसकेका छन् । यस्तै अब बाकिँ ३ सिनेमा बनाउने  योजनामा गोपीकृष्ण मुभिज रहेको छ ।

केहीदिन अघिमात्र गोपीकृष्ण मुभिजले सेरोगेसीको कथामा चलचित्र माइकल अधिकारी बनाउने घोषणा गरेको थियो । चलचित्रमा सौगात मल्ल र सृष्टि श्रेष्ठको मुख्य भूमिका रहने बताइएको छ । यस्तै अब निकिताले गोपीकृष्ण मुभिजको ब्यानरमै चलचित्र पर्खि बसे २ बनाउने बताएकी छिन् ।

यसका लागि अहिलेसम्म कोहीपनि कलाकार फाइनल भएका छैनन् । पर्खि बसे मा निखिल उप्रेती, राजबल्लभ कोइराला र युना उप्रेतीको मुख्य भूमिका रहेको थियो । चलचित्रको दोस्रो भागमा भने कसले स्थान पाउने हुन् त्यो हेर्न केही समय पर्खनै पर्छ ।