सलमानको नयाँ चलचित्र ‘कभी इद कभी दिवाली’

२५ पुष २०७६, काठमाडौँ

बलिउडका किङ्ग सलमान खान अभिनीत चलचित्र दबंग ३ केहीसयम अघि प्रदर्शनमा आएको थियो । चलचित्रले राम्रो कमाइ गर्यो । यस्तै यतिबेला भने सलमान चलचित्र राधे को छायांकनमा व्यस्त छन् । राधे २०२० को इदमा रिलिज हुदैँछ ।

पछिल्लो समयमा सलमानका प्राय चलचित्र इदमा रिलिज हुने गरेका छन् । जसका कारण दर्शकलाई इद सलमानकै लागि मात्र हो भन्ने भाव पनि पर्न थालिसक्यो । यसैबिच सलमानको नयाँ चलचित्रको घोषणा भएको छ ।

सलमानको नयाँ चलचित्र कभी इद कभी दिवाली हो । चलचित्रको नाम बाहेक अरु केहीपनि बताइएको छैन । चलचित्रमा कस्तो खालको विषयवस्तु छ, अरु कलाकार कोको हुनेछन् यी कुराहरु बताइएको छैन । सलमान खान र निर्माता साजिद नाडियाडवाले यो चलचित्रमा सहकार्य गर्न लागेका हुन् । यो चलचित्रलाई फरहदा साम्जीले निर्देशन गर्ने भएका छन् ।