२६ पुष २०७६, काठमाडौँ
नायिका पूजा शर्मा पछिल्लो समयमा निकै नै चर्चित छिन् । उनले एकपछि अर्को चलचित्रमा काम पनि गरिरहेकी छिन् । उनी अभिनीत चलचित्र म यस्तो गीत गाउँछु २ फागुन २३ बाट देशव्यापी रुपमा प्रदर्शनमा आउँदै छ । अहिले पूजा यसै चलचित्रको काममा व्यस्त छिन् ।
म यस्तो गीत गाउँछु २ यो बर्षको प्रतिक्षित चलचित्रमध्येको एक हो । यतिबेला म यस्तो गीत गाउँछु २ का गीतहरुले निकै चर्चा पाइरहेका छन् । यस्तै केहीदिन अघि भएको कामना फिल्म अवार्ड मा पूजा पनि सहभागी भएकी थिइन् । पूजा सामान्य पहिरनमा तर निकै राम्री भएर अवार्ड समारोहमा पुगेकी थिइन् । सबैले उनको सुन्दरताको प्रशंसा गरेका थिए ।
