‘पर्खि बसे २’ मा पल, पूजा र आकाश !

२६ पुष २०७६, काठमाडौँ

गोपीकृष्ण मुभिजको ब्यानरमा करिब १३ बर्ष रिलिज भएको सुपरहिट चलचित्र पर्खि बसे को सिक्वेलको रुपमा पर्खि बसे २ बन्ने भएको छ । पर्खि बसे मा निखिल उपे्रती, राजबल्लभ कोइराला र युना उप्रेती मुख्य भूमिकामा थिए ।

यस्तै पर्खि बसे २ मा भने पूजा शर्मा, आकाश श्रेष्ठ र पल शाह मुख्य भूमिकामा रहने बताइएको छ । गोप्य स्रोतको जानकारी अनुसार पूजा र आकाशले चलचित्रको एक लाइन स्टोरी समेत सुनिसकेका छन् र दुवैलाई चलचित्रको कथा मन पनि परेको छ ।

तर पल भने चलचित्र गर्ने वा नगर्ने भनेर दोधारमा छन् । अब चलचित्रमा पल, पूजा र आकाश हुन्छन् वा हुदैँनन् त्यो हेर्न भने केहीसमय पर्खनै पर्छ ।