‘जर्सी’ को छायांकनमा क्रिकेट खेलेको सिन खिचिरहँदा बलले लागेर साहिद कपुर भए गम्भिर घाइते

२७ पुष २०७६, काठमाडौँ

साहिद कपुर यतिबेला चलचित्र जर्सी मा व्यस्त छन् । यो तामिल चलचित्रको रिमेक हो । चलचित्र जर्सी मा साहिद कपुर क्रिकेटरको भूमिकामा देखिएका छन् । जर्सी को कथा नै क्रिकेटको वरिपरी घुमेको छ ।

जर्सी को छायांकनको क्रममा क्रिकेट खेलेको सिन खिचिरहँदा बलले लागेर साहिद घाइते भएका छन् । बलले साहिदको मुखमा लागेर गम्भिर चोट लागेको बताइएको छ ।

यस्तै चोट लागेको भाग सिलाइएको भारतीय मिडियाले जनाएको छ  । चलचित्र जर्सी को छायांकन अब साहिद ठिक भएपछि मात्र सुरु गरिने छ । चलचित्रमा साहिदले मृणाल ठाकुरसँग रोमान्स गरेका छन् ।