२७ पुष २०७६, काठमाडौँ
बेला बेलामा आलोचना आइरहने युट्युबर सोनिका रोकाय आजभोली पूर्व युवराज पारश शाहसँग नाम जोडीएका कारण चर्चामा छिन् । आजभोली पारश र सोनिकाको लब अफेयरको चर्चा सामाजिक सञ्जालमा खुबै चल्ने गरेको छ ।
उनीहरुको लब अफेयरको चर्चा चल्नुमा पछिल्लो समयमा उनीहरुको मित्रता ज्यादै बढ्नु पनि हो । पारश र सोनिका धेरैजसो एकसाथ देखिन थालेका छन् । त्यसबाहेक खुद सोनिकाले नै यो कुरालाई बल पुर्याइरहेकी छिन् । उनी कहिले पारशसँगको च्याटिङ त कहिले उनीसँग घुम्न गएको भिडियो सार्वजनिक गरिरहेकी हुन्छिन् ।
बजारमा पारश र सोनिकाका कारण हिमांशीले पारशसँग डिभोर्स गर्न चाहेको खबर समेत फैलिएको थियो । यसैबिच धेरैले सोनिकालाई पारशको पैसाको लागि उसको पछि लागेको आरोप समेत लगाए । यसबारे सोनिकाले गतिलो जवाफ दिएकी छिन् ।
उनले सानैदेखि आफू निकै दुख र पिडामा हुर्किएकी केटी भएको बताइन् । उनले आज यो स्थानसम्म आइपुग्न आफूले दिनरात मेहेनत गरेको बताइन् । उनले पारशको पैसामा आफूलाई लोभ नभएको बताइन् । सोनिकाले आफूले पैसा कमाउनको लागि निरन्तर काम गरिरहेको पनि बताइन् ।
