बिगबोस १३ मा दिपिकाको अगाडी गोविन्दाकी भान्जी आरतीले गरिन् खुलासा : ‘१३ बर्षको उमेरमा घरभित्र भएको थियो बलात्कारको कोशिस’

२७ पुष २०७६, काठमाडौँ

बिगबोस १३ भारतको नम्बर वान रियालिटी शो हो । जसलाई सलमान खानले होस्ट गर्दै आएका छन् । बिगबोस भारतमा मात्र नभएर नेपालमा पनि उत्तिकै पपुलर छ । नेपाली दर्शकले पनि बिगबोसलाई निकै चासो दिएर हेर्ने गरेका छन् ।

झन् यसपटकको सिजन त धमाकेदार नै भैरहेको छ । यस्तै बिगबोस १३ को यस हप्ताको विकेन्डमा चलचित्र छपाक की मुख्य नायिका दिपिका पादुकोण, जसको कथामा छपाक तयार भएको थियो अर्थात एसिड आक्रमणमा परेकी लक्ष्मी अग्रवाल र छपाक का अभिनेता विक्रान्त मस्सी घरमा आएका थिए ।

दिपिकाले सबै प्रतिस्पधीलार्ई आफ्नो जीवनमा घटेको नराम्रो घटना सुनाउन आग्रह गरिन् र सबैले पालैपालो आफूमाथि घटेको नराम्रो घटनाबारे बताए । यस्तै बिगबोस १३ की एक प्रतिस्पर्धीे आरती सिहंमाथि कुनै समय घटेको घटना सुनेर सबैका आखाँ रसाए । आरतीले भनिन्, १३ बर्षको उमेरमा मलाई घरमा बन्द गरेर बलात्कार गर्ने कोशिस गरिएको थियो, त्यो कुरा सम्झँदा म आज पनि काँप्ने गर्छु ।

स्मरण रहोस् आरती बलिउडका चर्चित अभिनेता गोविन्दाकी भान्जी तथा बलिउडका चर्चित कमेडियन कृष्णा अभिषेककी बहिनी पनि हुन् ।