२९ पुष २०७६, काठमाडौँ
अर्जुन रेड्डी तेलूगु को सफल चलचित्र हो । अर्जुन रेड्डी को हिन्दि भर्जन कबिर सिंह ले पनि बलिउडमा तहल्का मच्चाएको थियो । अब कबिर सिंह को नेपाली भर्जन पनि बन्ने भएको छ ।
हुन त लामो समयदेखि अर्जुन रेड्डी को नेपाली भर्जन बन्ने बताइएको थियो । अझ हरिहर अधिकारी कबिर सिंह को भूमिकामा देखिदैँ भन्ने समेत चर्चा चलेको थियो । तर यो कुरा पक्का भने भएको थिएन ।
अहिले भने यो फिल्मको नेपाली रिमेकको अनुमति युवा फिल्मस्ले लिएको छ । अर्जुन रेड्डी’ को निर्माण कम्पनी भद्रकाली पिक्चर्सको तर्फबाट निर्माता प्रणय रेड्डी र युवा फिल्म्सका तर्फबाट केशव खड्काले अमेरिकामा निर्माण सम्झौतामा हस्ताक्षर गरेका छन् ।
यसका लागि कोहीपनि कलाकार भने फाइनल भएका छैनन् । केहीसमय पछि चलचित्रका कलाकार फाइनल गरेर चलचित्रबारे अन्य जानकारी दिइने बताइएको छ ।
