२९ पुष २०७६, काठमाडौँ
विराट कोहली भारतीय क्रिकेट टिमका कप्तान हुन् । उनी एक राम्रो खेलाडी पनि हुन् । त्यसैकारणले नै उनलाई कप्तान बनाइएको हो । अब विराटकी श्रीमती अर्थात बलिउडकी चर्चित नायिका अनुष्का शर्मा पनि भारतीय महिला क्रिकेट टिमकी कप्तान बन्ने भएकी छिन् ।
अनुष्का अब भारतीय महिला क्रिकेट टिमकी पूर्वकप्तान झुलन गोस्वामीको बायोपिकमा झुलनको भूमिकामा देखिँदैछिन् ।
कोलकाताको इडन गार्डेनबाट उनका तवीर भाइरल भएका छन् । बलिउड हंगामाको रिपोर्टअनुसार अनुष्काले २५ जनवरीमा यो फिल्मको प्रोमो शुट गर्नेछिन् । तस्वीरमा अनुष्का झुलन गोस्वामीसँग देखिएकी छिन् । अनुष्काले भारतीय क्रिकेट टिमको पुरानो जर्सी लगाएकी छिन् जुन जर्सी झुलन कप्तान भएका बेला भारतीय क्रिकेट टिमले लगाउँथ्यो ।
