२९ पुष २०७६, काठमाडौं
पोर्चुगलको समुन्द्री किनारमा माछा मार्न गएका दुई नेपाली दाजुभाइको मृत्यु भएको छ।
मृत्यु हुनेमा धादिङ घर भएका दाजुभाइ श्याम वाइवा तामाङ र कमल वाइवा तामाङ छन्। पोर्चुगलको कास्काइसको बोका डो इन्फर्नो क्षेत्रमा माछा मार्न गएका दाजुभाइलाई समुन्द्री छालले बगाउँदा बेपत्ता भएका हुन्।
९ महिनाअगाडि पोर्चुगल पुगेका उनीहरुले रेष्टुँरा सञ्चालन गर्दैआएका थिए। दुबै शवको अन्त्येष्टि पोर्चुगलमै गर्ने वा नेपाल पठाउने भन्ने निर्णय भइनसकेको तामाङ समाज पोर्चुगलकी अध्यक्ष सुनिता ब्लोन तामाङले बताएकी छिन्।
