०१ माघ २०७६, काठमाडौँ
अभिनेता विराज भट्ट यतिबेला चलचित्र साङ्लो को छायांकनमा व्यस्त छन् । यतिबेला चलचित्रको दोस्रो गीतको धमाधम छायांकन भैरहेको छ । विराजको निर्माण र निर्देशनमा तयार भएको चलचित्र साङ्लो लाई उत्कृष्ट बनाउन विराजले निकै मेहेनत गरिरहेका छन् ।
अहिले सामाजिक सञ्जालमा साङ्लो को दोस्रो गीतको केही तस्बिरहरु सार्वजनिक भएका छन् । जहाँ निकिता र विराजलाई रोमान्टिक र मस्ती मुडमा देखाइएको छ । चलचित्र साङ्लो यो बर्षको प्रतिक्षित चलचित्रमध्येको एक हो । चलचित्रको ट्रेलर र एउटा गीत रिलिज भैसकेको छ । जसलाई दर्शकले निकै रुचाएका पनि छन् । विराज साङ्लो बाट निकै आशातित रहेका छन् ।
