०१ माघ २०७६, काठमाडौँ
सर्वाधिक चर्चित रियालिटी शो ‘दि भ्वाइस अफ नेपाल’ सिजन २ केहीसमय अघि भव्यताका साथ सम्पन्न भएका थिए । राम लिम्बु दोस्रो ‘दि भ्वाइस अफ नेपाल’ बन्न सफल भएका थिए । यस्तै अब ‘दि भ्वाइस’ का प्रतिस्पर्धीहरु वर्ल्ड टुरमा निस्कने भएका छन् ।
ब्लु वर्ड इन्टरनेशनल इभेन्ट प्रा।लि।ले ‘दि भ्वाइस अफ नेपाल सिजन २’का अन्तिम प्रतिस्पर्धीहलाई लिएर विभिन्न देशहरुमा सांगीतिक कार्यक्रम गर्ने भएको छ। भिजिट नेपाल २०२० लाई सफल बनाउन ‘दि भ्वाइस’ का प्रतिस्पर्धीले विभिन्न देशमा सांस्कृतिक कार्यक्रम गर्दै आफ्नो प्रस्तुती दिनेछन् ।
बेलायत, इजरायल, यूरोप र क्यानडामा सांस्कृतिक कार्यक्रम हुने जानकारी गराइएको छ । यो वर्ल्ड टुरको लागि भ्वाइस का प्रतिस्पर्धीहरु निकै नै उत्साहित रहेका छन् ।
यही मार्च ६, २०२० देखि सुरु हुने विश्व यात्रामा ‘दि भ्वाइस अफ नेपाल’ सिजन २ का विजेता राम लिम्बु, सनिष श्रेष्ठ, अनु राना मगर, यन्की यल्मो सहभागी हुनेछन्। भने, कार्यक्रमको उद्घोषण सुशिल नेपालले गर्नेछन्। उत्कृष्ट ४ मा पुगेका विकास लिम्बु भने यो यात्रामा सहभागी हुने छैनन्।
