आउँदो ‘भ्यालेनटाइन डे’ मा विवाह गर्दै आदित्य र नेहा, सुरु हुदैँछ विवाहको तयारी !

०२ माघ २०७६, काठमाडौँ

बलिउडकी चर्चित गायिका नेहा कक्कर र उदित नारायणका छोरा अर्थात चर्चित होस्ट आदित्य नारायणको विवाह हुने कुराले केहिदिनदेखि सामाजिक सञ्जाल निकै तात्तिएको छ । गत हप्ता प्रशारण इन्डियन आइडल को एपिसोडमा गेष्टको रुपमा आएका आदित्यका आमाबुबाले आदित्यसँग नेहाको विवाह गरिदिने कुरा बताएका थिए ।

उनीहरुले सेटमा नेहा र आदित्यको विवाहको घोषणा गरेका थिए । तर मजाक मजाकमा गरेको यो कुराले ठूलो रुप लिइरहेको छ । अहिले त आदित्य र नेहाको विवाहको मिति नै तय भैसकेको छ ।

नेहाको आमाले नै उनको विवाह आउँदो भ्यालेनटाइन डे को दिन गरिदिने घोषणा गरेकी छिन् । नेहाकी आमाले आदित्य आफूलाई निकै मन परेको र नेहाको लागि आदित्य उत्कृष्ट भएको बताउँदै उनको विवाह आदित्यसँग गरिदिने तय गरेकी हुन् ।

नेहा एकछिन त आमाको कुरा सुनेर छक्क नै परिन् । अब हेरौँ आउँदो भ्यालेनटाइन डे मा नेहा र आदित्यको साच्चैँ नै विवाह हुन्छ वा यो एक मजाक मात्र हो ।