प्रेमिका नताशासँग आउँदो ‘मे’ मा विवाह गर्दै वरुण

०२ माघ २०७६, काठमाडौँ

वरुण धवन केहीबर्ष देखि नताशाको प्रेममा छन् । नताशा र वरुणले आफ्नो प्रेमी स्वीकार गरिसकेका छन् । पछिल्ला दिनहरुमा त उनीहरु कार्यक्रमहरुमा पनि एकसाथ देखिइरहेका हुन्छन् । यसपटकको नयाँ बर्ष पनि उनीहरुले एकसाथ मनाए ।

केहीसमय देखि बलिउडमा वरुण र नताशाको विवाहको खबरले तहल्का मच्चाइरहेको थियो । तर वरुण र नताशाले यसबारे केही जानकारी दिएका थिएनन् । अब भने वरुण र नताशाले विवाह गर्ने भएका छन् । उनीहरुले आउँदो मे मा विवाह गर्न लागेको भारतीय मिडियाले जानकारी दिएको छ ।

वरुण र नताशाको विवाह गोवामा हुने बताइएको छ । हाल विवाहको लागि तयारी समेत भैरहेको छ । नताशा वरुणको परिवारको निकै नजिक छिन् र उनलाई वरुणको परिवारले निकै मन पनि पराएको छ । वरुण र नताशाको विवाह धुमधामसँग हुने जानकारी प्राप्त छ ।