०३ माघ २०७६, काठमाडौँ
बलिउडकी चर्चित नायिका सोनम कपुर विवाहपछि आफ्ना श्रीमानसँग लण्डनमा बस्दै आएकी छिन् । उनी बेला बेलामा भारत पुगिरहेकी हुन्छिन् । यस्तै सोनमले लण्डनका तस्बिरहरु सेयर गरिरहेकी हुन्छिन् ।
केहीदिन अघि भने सोनमले लण्डनमा ट्याक्सी चढ्दा आफूमाथि ड्राइभरले डरलाग्दो व्यवहार गरेको बताइन् । उनले ट्वीटरमार्फत यो कुराको जानकारी दिएकी छिन् । उनले त्यस घटनापछि आफू निकै डराएकाले अरुलाई पनि सावधान हुन आग्रह गरेकी छिन् ।
उनले ट्विटरमा लेखेकी छिन्, ‘हेल्लो गाइज, मैले लण्डनको उभर ट्याक्सीमा आफ्नो जिन्दगीको सबैभन्दा डरलाग्दो यात्रा गरेँ । त्यसैले सतर्क रहनुहोस् । सबैभन्दा उत्तम यात्रा सार्वजनिक यातायात र क्याब नै हो । म एकदमै धेरै डराएँ ।’
