०४ माघ २०७६, काठमाडौँ
यो बर्षको प्रतिक्षित बलिउड चलचित्र लब आजकल २ को अफिसियल ट्रेलर हिजोमात्र रिलिज भएको छ । चलचित्रमा कार्तिक आर्यन र साराअली खानको मुख्य भूमिका रहेको छ । ट्रेलरलाई दर्शकले त्यति सकरात्मक प्रतिक्रिया दिइरहेका छैनन् ।
यस्तै साराका पिता अर्थात सन् २००९ मा प्रदर्शनमा आएको चलचित्र लब आजकल का मुख्य कलाकार सैफअली खानले पनि लब आजकल को ट्रेलर हेरेर प्रतिक्रिया दिएका छन् ।
सैफले ट्रेलरप्रति त्यति सन्तुष्टि देखाएका छैनन् । उनले लब आजकल २ भन्दा उनको र दिपिका पादुकोणको मुख्य भूमिका रहेको चलचित्र लब आजकल नै आफूलाई निकै मन परेको बताए ।
यद्दपि सैफले चलचित्र लब आजकल २ मा निर्देशक इम्तियाज अलीको कामको भने प्रशंसा गरे । त्यस्तै छोरी सारा र कार्तिकलाई चलचित्रको लागि शुभकामना पनि दिए । लब आजकल २ भ्यालेनटाइन को अवसरमा फेब्रअरी १४ मा प्रदर्शनमा आउँदै छ ।
