‘लब डायरिज’ को ट्रेलरमा सुशिल र रुबिनाको माया र बिछोडको कथा (भिडियो सहित)

०७ माघ २०७६, काठमाडौँ

यो बर्षको भ्यालेनटाइन डे अर्थात फागुन २ गतेबाट देशव्यापी रुपमा प्रदर्शनमा आउन लागेको चलचित्र लब डायरिज को अफिसियल ट्रेलर रिलिज भएको छ ।

केहीसमय अघि चलचित्रको टिजर रिलिज भएको थियो । टिजरलाई दर्शकले रुचाएका पनि थिए । यस्तै चलचित्रको २ गीतहरु रिलिज भैसकेका छन् र गीतलाई पनि सकरात्मक प्रतिक्रिया मिलेको थियो ।

सार्वजनिक ट्रेलरमा सुशिल र नव अभिनेत्री रुबिनाको प्रेम र विछोडको कथा देख्न सकिन्छ । चलचित्रको ट्रेलर एकदमै मजेदार बनाइएको छ । साथै ट्रेलरबाट नव अभिनेत्री रुबिनाको चलचित्रमा सशक्त अभिनय रहेको अनुमान पनि लगाउन सकिन्छ ।

चलचित्रमा सुशिल र रुबिनाका साथै विश्वजित रिमाल, बिष्णु सापकोटा, अर्जुनजंग शाही, बिशाल पहारीलगायतका कलाकारहरुको अभिनय छ ।