०८ माघ २०७६, काठमाडौं
गण्डकी प्रदेशका सांसद राजीव गुरुङ (दीपक मनाङ्गे) ले आफूलाई झापड हान्दा मज्जा आउने बताएका छन्।
मंगलबार (हिजो) कास्की एन्फा अध्यक्ष मिलन गुरुङलाई खेल मैदानमै झापड हानेका सांसद मनाङ्गेले सोही घटनाबारे सत्यतथ्य घटना बाहिर्याउन आयोजना गरिएको पत्रकार सम्मेलनमा यस्तो बताएका हुन्।
“ठगलाई मैले झापड नहानेर, के माला लगाइदिउँ?” सांसद मनाङ्गेले भने, ‘यस्तो मान्छेलाई तपाईंहरुले पनि झापड हान्ने हो, मैले पनि हान्ने हो।’ यस्तै सांसद मनाङ्गेले गुरुङलाई भ्रष्टाचारको आरोप लगाएका छन्।
गुरुङले भ्रष्टाचार गरेको भए कारबाही गर्ने निकाय छ नी? भन्ने पत्रकारको प्रश्नमा मनाङ्गेले झापड पनि कानून नै भएको तर्क गरे। ‘मैले झापड हानेको तपाईंहरुलाई मन परेन। राम्रो कुरा हो। तपाईंहरु गान्धीतिरको हुनुहुँदोरहेछ। म चााहिँ रावणतिरको परें। झापड हान्दा मज्जा आउँछ।’
