०९ माघ २०७६, काठमाडौँ
अभिषेक बच्चन सामाजिक सञ्जालमा निकै सक्रिय रहने कलाकार हुन् । उनी आफ्नो हरेक कुराको जानकारी सामाजिक सञ्जालमार्फत दिइरहेका हुन्छन् ।
उनले केहीदिन अघि सामाजिक सञ्जालमा आफ्ना फ्यानको लागि एउटा सरप्राइज भएको तर त्यसका लागि आफूसँगै जोडिरहनको लागि आग्रह समेत गरेका छन् ।
यस्तै यतिबेला अभिषेकका फ्यानले उनी पुनः बाबु बन्न लागेको अड्कल काटिरहेका छन् । ऐश्वर्या र अभिषेककी एक छोरी छिन्, आराध्या । अभिषेक र ऐश्वर्या फेरि आमाबुबा बन्न लागेको अनुमान फ्यानले मात्र लगाएका हुन् ।
यसबारे अभिषेक र ऐश्वर्याले भने कुनै जानकारी अहिलेसम्म दिएका छैनन् । अभिषेकले फ्यानको लागि सरप्राइज छ भनेकाले दर्शकले त्यस्तो अनुमान लगाएका हुन् ।
