‘केटासँग चुम्बन गर्दा मेरो परिवारको हाँसो छुट्यो’ : आयुष्मान खुराना

०९ माघ २०७६, काठमाडौँ

आयुष्मान खुराना पछिल्लो समयका निकै नै चर्चित अभिनेता हुन् । उनले खेलेका अधिकांश चलचित्रले बक्सअफिसमा सफलता पाइरहेको छ । भर्खरै मात्र आयुष्मान अभिनीत चलचित्र शुभ मगंल ज्यादा सावधान को अफिसियल ट्रेलर रिलिज भएको छ ।

चलचित्र शुभ मगंल ज्यादा सावधान समलिंगी पुरुषको प्रेममा आधारित भएको बताइएको छ । चलचित्रमा आयुष्मान र गुजराव राव जोडीको रुपमा देखिएका छन् । यस्तै सार्वजनिक ट्रेलरमा आयुष्मान र गुजरावको चुम्बनको दृश्य पनि देखाइएको छ ।

आयुष्मान उक्त दृष्य हेरेर आफ्नो परिवारहरु निकै हाँसेको बताउँछन् । भारतीय मिडियासँग कुरा गर्दै उनले भनेका छन्–‘मलाई केही भन्नुहुन्छ कि भन्ने लागेको थियो । तर, बुबा आमाले त त्यसलाई हाँसोमा उडाइदिनु भयो ।’