नेपाली ‘कबिर सिंह’ मा अभिनेता आर्यन सिग्देल फाइनल !

०९ माघ २०७६, काठमाडौँ

बलिउड चलचित्र कबिर सिंह ले बक्सअफिसमा तहल्का मच्चाएको थियो । साहिद कपुर र कियारा अडवाणीको मुख्य भूमिका रहेको कबिर सिंह लाई दर्शकले औधी रुचाएका थिए । चलचित्रका गीतसंगीत पनि अत्यन्तै लोकप्रिय भएका थिए ।

कबिर सिंह तामिल चलचित्र अर्जुन रेड्डी को हिन्दी रिमेक थियो । अब यसको नेपाली भर्जन पनि बन्ने भएको छ । युवा फिल्मस ले यो चलचित्र किनेको हो । यतिबेला चलचित्रका कलाकारको छनौटको काम भैरहेको छ । तर गोप्य स्रोतले बताए अनुसार चलचित्रका लागि नायक आर्यन सिग्देल फाइनल भएका छन् ।

हुन त यसबारे आर्यनले अहिलेसम्म केही पनि बताएका छैनन् र आर्यनले चलचित्र साइन गरेको कुरा सुन्नमा आएको छ । यसअघि यो चलचित्रका लागि युवा ज्योतिष हरिहर अधिकारी रहने बताइएको थियो तर हरिहर व्यस्त भएका कारण यो चलचित्र नगर्ने भएका छन् ।