विराज भट्ट भन्छन्, ‘मलाई राजेश दाइसँग दाज्न मिल्दैन’

१० माघ २०७६, काठमाडौँ

अभिनेता विराज भट्ट यतिबेला चलचित्र साङ्लो को प्रमोशनमा व्यस्त छन् । चलचित्र साङ्लो माघ २४ बाट देशव्यापी रुपमा प्रदर्शनमा आउँदै छ । विराज भट्ट कुनै समयका निकै नै चर्चित अभिनेता हुन् । उनलाई महानायक राजेश हमालको विकल्पको रुपमा समेत हेरिने गरिन्थ्यो ।

यस्तै आजभोली राजेश हमाललाई फ्लप बताउन थालिएको छ । यसको विराजले खण्डन गरेका छन् । उनले राजेश हमालाई कहिले पनि फ्लप भन्न नमिल्ने बताएका छन् । उनले भने, राजेश दाईले आफ्नो समयमा यो क्षेत्रमा धेरै नै काम गर्नुभएको छ र अहिले पनि विभिन्न रुपबाट यसै क्षेत्रमा अग्रसर हुनुहुन्छ, त्यसैले उहाँलाई असफल भन्न मिल्दैन ।

साथै उनले भने, कहिलेकाहिँ मलाई राजेश दाईसँग तुलना गरेको देख्छु जुन देख्दा खुसी लाग्छ तर मलाई राजेश दाईसँग तुलना गर्न मिल्दैन, उहाँ म भन्दा धेरै नै  सिनियर हुनुहुन्छ ।

विराजले राजेशको निकै नै तारिफ गरे । उनले राजेश दाइबाट आफूले धेरै कुरा सिकेको पनि बताए । विराजले राजेश दाइलाई आफूले निकै सम्मा गर्ने गरेको पनि बताएका छन् ।