१० माघ २०७६, काठमाडौँ
सुशान्त खत्रीले आफ्नो पहिचान एक राम्रो डान्सरको रुपमा बनाएका छन् । उनी नेपालमा मात्र नभएर भारतमा पनि निकै लोकप्रिय छन् । अझ भनुम उनले बलिउड सिनेमामा पनि स्थान पाइसकेका छन् ।
वरुण र श्रद्धा कपुरको मुख्य भूमिका रहेको चलचित्र स्ट्रिट डान्सर थ्रिडी आजबाट विश्वव्यापी रुपमा प्रदर्शनमा आएको छ । चलचित्रमा नेपालका छोरा सुशान्त खत्रीको पनि अभिनय रहेको छ ।
यस्तै चलचित्रका मुख्य कलाकार वरुण धवन र श्रद्धा कपुरले सुशान्त खत्रीको अभिनय रहेका कारण नेपाली दर्शकलाई चलचित्र स्ट्रिट डान्स थ्रिडी हेर्न अनुरोध गरेका छन् ।
वरुण र श्रद्धाले एक भिडियो बनाउँदै नेपाली दर्शकलाई स्ट्रिट डान्सर थ्रिडी हेर्न अनुरोध गरेका छन् । भिडियोमा वरुणले सुशान्तको तारिफ गर्दै भनेका छन्, ‘हाम्रो सिनेमामा नेपालका निकै राम्रो डान्सर छन्, जसको नाम सुशान्त खत्री हो । उनी निकै हाइलाइट डान्सर हुन् ।’
सुशान्तको अभिनय रहेका कारण नेपाली दर्शक पनि स्ट्रिट डान्सर हेर्नको लागि निकै उत्साहित रहेका छन् । नेपालका मल्टिप्लेक्स हलहरुमा स्ट्रिट डान्सरको बुकिङ उच्च रुपमा भैरहेको छ ।
