११ माघ २०७६, काठमाडौँ
केहीसमय अघि भारतीय टेलिभिजनका चर्चित कलाकार कुशल पञ्जाबीले घरको पंखामा झुण्डिएर आत्महत्या गरेका थिए । अहिले फेरि भारतीय टेलिभिजनकी चर्चित नायिका सेजल शर्माले आत्महत्या गरेकी छिन् ।
पछिल्लो समयमा सेजल स्टार प्लसबाट प्रशारण हुने शो दिल तो ह्याप्पी हे जी मा देखिएकी थिइन् । त्यसबाहेक उनी केही विज्ञापन र वेब सिरिजमा पनि देखिइसकेकी थिइन् ।
सेजलले आफ्नो घरमा सुसाइड गरेकी छिन् । घरमा उनको सुसाइड नोट पनि भेटिएको छ । सुसाइड नोटमा उनले आत्महत्या गर्नुका निजी कारणहरु भएको बताएकी छिन् । यतिबेला भारतीय टेलिभिजनका कलाकारले सेजलको मृत्युले दुखित बनाएको बताइरहेका छन् ।
