१२ माघ २०७६, काठमाडौँ
आफ्ना श्रीमानसँगको रोमान्टिक तस्बिर सामाजिक सञ्जालमा सेयर गर्दा हलिउडकी चर्चित टिभी स्टार नायिका किम कार्दासियन विरुद्ध उजुरी दिइएको छ ।
किमविरुद्ध अन्तर्राष्ट्रिय फोटोग्राफर सईद बोल्डनले मुद्दा दर्ता गरेका छन् । इन्स्टामा टिभी स्टारको यो पोष्टले २२ लाख बढी लाइक्स पाइसकेको छ ।
फोटोग्राफर सईदले उक्त फोटो आफूले खिचेको कारण सामाजिक सञ्जालमा सेयर गर्नुअघि किमले उनको अनुमति लिन आवश्यक भएको तर किमले नसोधिकन फोटो हालेकाले उनीविरुद्ध मुद्धा दर्ता गरेका हुन् ।
किमले सईदलाई उक्त फोटो सामाजिक सञ्जालमा सेयर गर्दा लाग्ने पैसा पनि नदिएको सईदले बताएका छन् ।
