१२ माघ २०७६, काठमाडौँ
गतबर्ष प्रदर्शनमा आएको बलिउड चलचित्र कबिर सिंह को नेपाली रिमेक बन्ने भएको छ । कबिर सिंह पनि तेलूगु चलचित्र अर्जुन रेड्डी को हिन्दि रिमेक हो ।
अर्जुन रेड्डी र कबिर सिंह दुवै बक्सअफिसमा निकै सफल भएका चलचित्र हुन् । त्यसैले यसको नेपाली रिमेक पनि उत्कृष्ट नै बनाउनु पर्ने चुनौती रहेको छ ।
अर्जुन रेड्डी को नेपाली रिमेकलाई युवा फिल्मसले खरिद गरेका हुन् । यो चलचित्रलाई सेल्फि किङ्ग का निर्देशक विशाल सापकोटाले निर्देशन गर्ने भएका छन् । केहीसमय देखि यो चलचित्रमा अभिनेता आर्यन सिग्देल रहने हल्ला चलिरहेको थियो ।
तर आर्यन स्वयमले यो कुराको खण्डन गरेका छन् । प्राप्त जानकारी अनुसार यो चलचित्रका लागि अडिसन मार्फत नायकको छनौट गरिने बताइएको छ ।
