१३ माघ २०७६, काठमाडौँ
चलचित्र क्याप्टेन बाट नेपाली चलचित्र क्षेत्रमा आएकी नायिका उपासना सिंह ठकुरी ले पहिलो चलचित्रबाट नै निकै सफलता पाइन् । क्याप्टेन पछि उनले कबड्डी कबड्डी कबड्डी मा काम गरिन् । कबड्डी कबड्डी कबड्डी ले पनि निकै राम्रो कमाइ गर्न सफल भयो ।
कबड्डी कबड्डी कबड्डी पछि उनले कुनै चलचित्र साइन गरेकी छैनन् । प्राप्त जानकारी अनुसार उपासना अहिले आफ्नो पढाइमा व्यस्त छिन्, जसका कारण उनी कुनै चलचित्र तुरुन्त साइन गर्ने सोचमा छैनन् ।
वास्तवमा उपासनाले क्याप्टेन पछि नै केहीसमय चलचित्र नगर्ने योजना बनाएकी थिइन् तर कबड्डी कबड्डी कबड्डी को कथा मन परेका कारण आफ्नो बिबिए को परीक्षा नै छोडिदिएकी थिइन् ।
अब उपासनाले बिबिए को सम्पूर्ण विषयको परीक्षा फेरि दिनुपर्ने भएको छ । अब उनी आफ्नो सम्पूर्ण समय पढाइमा दिन चाहन्छिन् । उनले परीक्षा पछि मात्र चलचित्रलाई आफ्नो समय दिने बताएकी छिन् ।
