१३ माघ २०७६, काठमाडौँ
गायिका आस्था राउतमाथि प्रहरी जवान रमिता श्रेष्ठले विमानस्थलमा अभद्र व्यवहार गरेको भन्दै आस्थाविरुद्ध उजुरी दिएकी थिइन् ।
हाल प्रहरी नियन्त्रणमा रहेकी आस्थाविरुद्ध कानूनी प्रक्रिया सुरु गरिएको छ । रमिता श्रेष्ठले आफूमाथि अभद्र व्यवहार गरेको भन्दै दिएको उजुरीका आधारमा पक्राउ पूर्जी जारी भएपछि आस्था आज ९सोमबार० आफैं प्रहरी कार्यालयमा उपस्थित भएकी थिइन् ।
गायिका राउतले सहमतिमै मुद्दा टुङ्ग्याउने प्रयास गरिरहेकी छिन् । उनले कानूनी भन्दा माथि आफू नभएको पनि बताइन् । प्रहरी जवान रमिता श्रेष्ठलाई उजुरी फिर्ता गर्न लगाएर नै यो मुद्दा सुल्झाउने तयारी भैरहेको छ ।
महानगरीय प्रहरी परिसर काठमाडौं स्रोतले पनि अहिले दुवै पक्षबीच आपसी ‘सर–सल्लाह’ भइरहेको जनाएको छ ।
‘उजुरीकर्ताले उजुरी फिर्ता लिन्छु भने पछि कुनै पनि आरोपितलाई प्रहरीले थुनेर राख्ने भन्ने हुँदैन,’ महानगरीय प्रहरी परिसर स्रोतले भन्यो, ‘आस्थाजीको केसमा पनि अहिले उहाँहरु छलफलमा हुनुहुन्छ । पीडित पक्षले मुद्दा फिर्ता लिन चाहेमा उहाँ आजै पनि छुट्न सक्नुहुन्छ ।’
