१४ माघ २०७६, काठमाडौँ
बर्षा राउत पछिल्लो समयकी चर्चित अभिनेत्री हुन् । पछिल्लो समयमा उनी अभिनीत चलचित्र जात्रै जात्रा प्रदर्शनमा आएको थियो । जात्रै जात्रा पछि उनले कुनै चलचित्र साइन गरेकी थिइनन् ।
करिब ८ महिनापछि नायिका राउतले चलचित्र २ नम्बरी साइन गरेकी छिन् । चलचित्रमा उनीसँगै डेब्यु गरेका नायक पल शाह र दयाहाङ राई पनि देखिदैँ छन् ।
यस्तै बर्षाले चलचित्र २ नम्बरी को औपचारिक कार्यक्रममा लामो समयसम्म चलचित्र साइन नगर्दा मिडियाले प्रेसर दिएको भन्दै गुनासो पोखेकी छिन् ।
वर्षाले भनिन्–‘राम्रो चलचित्रको अफर कुरेर केही समय काम नगर्दा मिडियाको समाचारको प्रेसर पर्छ । मिडियाले किन चलचित्र साइन नगर्नुभएको, अफर आएन हो भन्ने जस्ता प्रश्न गर्दा दबाब पर्ने रहेछ ।’
