१५ माघ २०७६, काठमाडौं
सत्तारुढ दल नेपाल कम्युनिष्ट पार्टी (नेकपा) ले निवर्तमान उपसभामुख शिवमाया तुम्बाहाङ्फेलाई केन्द्रीय सदस्यमा मनोनित गरेको छ।
मंगलबार (हिजो) साँझ बसेको सचिवालय बैठकले तुम्बाहाङ्फेलाई केन्द्रीय सदस्यमा मनोनित गरेको प्रचार विभाग उपप्रमुख सूर्य थापाले जानकारी दिए।
यसअघि पनि केन्द्रीय सदस्य रहेकी शिवमायाले संघीय संसद अन्तर्गतको प्रतिनिधि सभाको उपसभामुखमा निर्वाचित भएपछि पार्टीका सम्पूर्ण जिम्मेवारीसहित पार्टीको साधारण सदस्यतासमेत त्यागेकी थिइन्।
संविधानमा सभामुख र उपसभामुख पदमा निर्वाचित भएपछि दलगत आवद्धता त्याग्नुपर्ने प्रावधान छ ।
