१५ माघ २०७६, काठमाडौँ
धुर्मुस र सुन्तलीले निर्माण गरेको चलचित्र सेन्टि भाइरस को अफिसियल ट्रेलर रिलिज भएको छ ।
धुर्मुस सुन्तलीले यो चलचित्रको कमाइको ५० प्रतिशत रंगशालामा जाने घोषणा गरिसकेका छन् ।
चलचित्र सेन्टि भाइरस मा धुर्मुस र सुन्तलीका साथमा दयाहाङ राई, विल्सन विक्रम राई, सन्दिप क्षेत्री, कमलमणि नेपाल, राजाराम पौडेल लगायतका कलाकारको मुख्य भूमिका रहेको छ ।
सेन्टि भाइरस लाई माटो सुहाउँदो चलचित्र निर्माण गर्ने निर्देशक रामबाबु गुरुङले निर्देशन गरेका हुन् ।
चलचित्रको ट्रेलर निकै मसालेदार बनाइएको छ । चलचित्र सेन्टि भाइरस राजनीति विषयमा आधारित रहेको ट्रेलरबाट अनुमान लगाउन सकिन्छ । सेन्टि भाइरस फागुन ९ बाट देशव्यापी रुपमा प्रदर्शनमा आउँदै छ ।
