पूजाको ठाउँमा अरुलाई नराख्ने पलले खाए कसम (भिडियो)

१६ माघ २०७६, काठमाडौँ

म यस्तो गीत गाउँछु २ यो बर्षको प्रतिक्षित चलचित्रमध्येको एक हो । फागुन २३ बाट देशव्यापी रुपमा प्रदर्शनमा आउन लागेको चलचित्रमा पल शाह र पूजा शर्माको मुख्य भूमिका रहेको छ ।

चलचित्र म यस्तो गीत गाउँछु २ का २ गीत रिलिज भैसकेका छन् । जसलाई दर्शकले अत्यन्तै रुचाएका पनि छन् । दुवै गीतले बजारमा लोभलाग्दो चर्चा बटुलिरहेको छ । जसले चलचित्रको राम्रो हाइप बढाइरहेको छ ।

यस्तै म यस्तो गीत गाउँछु २ को नयाँ गीत भर्खरै रिलिज भएको छ ।

दिनेश राज पुरीको शब्द र अर्जुन पोखरेलको संगीत रहेको कसम बोलको गीतमा सुगम पोखरेलको आवाज रहेको छ । डान्सिङ शैलीको गीतमा चलचित्रका मुख्य कलाकार पल शाह र पूजा शर्मा नै फिचर्ड छन् । गीतलाई रामजी लामिछानेले कोरियोग्राफी गरेका हुन् ।

चलचित्र म यस्तो गीत गाउँछु को कथा सुदर्शन थापाले लेखेका हुन् भने चलचित्रको निर्देशक पनि उनी नै हुन् । चलचित्रमा पल र पूजाका अलवा राजा राजेन्द्र पोखरले, हरिहर शर्मा, दिनेश डिसी लगायतका कलाकारको मुख्य भूमिका रहेको छ ।