‘मन परेसी’ मा पूजा र आकाशको जोडी

१६ माघ २०७६, काठमाडौँ

आकाश श्रेष्ठ र पूजा शर्मा दुवै पछिल्लो समयका सर्वाधिक रुचाइएका कलाकार हुन् । यी दुइले पहिलो पटक रामकहानी मा एकसाथ काम गरेका थिए । उक्त चलचित्रबाट नै पूजा र आकाशको जोडीलाई दर्शकले अत्यन्तै रुचाउन थालेका हुन् ।

रामकहानी पछि पूजा र आकाशले पोई पर्यो काले मा एकसाथ काम गरेका थिए । पूजा र आकाशले सँगै काम गरेको सम्हालिन्छ कहिले मन र सम्झना बिर्सना प्रदर्शनको तयारीमा रहेका छन् । यसैबिच पूजा र आकाशले नयाँ चलचित्र साइन गरेका छन् ।

पूजा र आकाशले मन परेसी चलचित्र साइन गरेका हुन् । यो चलचित्रको आज भद्रकाली मन्दिरमा शुभमुर्हूत गरिएको छ । चलचित्र मन परेसी मा पूजा र आकाशका साथ बुद्धि तामाङ, शिशिर राणा लगायतका कलाकारको पनि अभिनय रहने छ ।

यो चलचित्रको लागि पूजाले २५ लाख लिएको बताइएको छ । पूजाले पछिल्लो समयमा आफ्नो पारिश्रमिक बढाइरहेकी छिन् । उनी महंगी अभिनेत्रीको रुपमा चिनिन थालिसकेकी छिन् ।